.
.
الاحد, 29 يونيو, 2008
بموت وانا بين ايديك من الخوف ..
لتبعدنى وأبات ملهوف ..
لنبضات قلبك الدافى .
واشوف فى عينيك كلام بيقول ..
بان البعد مش معقول ..
وفى دموعك دليل كافى .
وبتلومنى بحضن حنون ..
ازاى الشك بينا يكون ..
ومعايا ولسه بتخافى ؟!.
اصدق وانسى اوهامى ..
ويطمن معاك قلبى ..
ويرجع تانى جو هواه رقيق صافى .
ونبدأ تانى من الأول ..
تغيب والبعد بيطول ..
ولا حسيت فى يوم بيا , ولا للوعد بتوافى .
وتانى اخاف لتنسانى ..
وتفضل فاضيه أحضانى ..
ويبقى الحزن حمل يزيد على اكتافى .
وتيجى تقولى سامحينى ..
انا ما اقدرش تنسينى ..
ده قلبى بغير هواكى عليل , وقلبك بلسمى الشافى .
برغم ده كله اسمعلك ..
واصدق تانى وارجعلك ..
لأن حياتى انت وبس , وعمرى بين ايديك غافى .
لأنك انت كل الناس ..
وحبك هو ده الاحساس ..
واسمى حروفه من اسمك , وفى عينيك ملامحى و اوصافى .
وهى دى قصتى وياك ..
تروح وتغيب ولا انساك ..
وقلبى يقولى يوم ما ألقاك , حبيبى وغير هواه ما فى .
أضف تعليقا
اضيف في 30 يونيو, 2008 09:07 م , من قبل amanyoussef
من مصر
من مصر
شكرا صديقتى على كلماتك الرقيقه واحساسك المرهف والذى ينعكس فى كل كتاباتك.
واتمنى دائما ان تفيدينى برأيك لانه حقا يهمنى.
اضيف في 21 يوليو, 2008 02:38 م , من قبل EHAB116
من مصر
من مصر
رائع رائع رائع انتى موهوبة وحساسة جدا وانتظر جديدك دوما لامتع نفسى بكلماتك العطرة
مع تحيات عاشق الشعر والاحساس ايهاب
اضيف في 21 يوليو, 2008 04:58 م , من قبل amanyoussef
من مصر
من مصر
وانا اشكرك على رأيك فى كتاباتى واتمنى دوما ان تزور مدونتى وتبدى تعليقاتك عليها .
أضف تعليقا
<<الصفحة الرئيسية
.
.
من مصر
يا أمانى كتباتك متنوعة جدا
بالعامية و باللغة العربية
ما شاء الله عليكي
القصيدة دى (أو إسمحي لى أقول عليها الغنوة دى) لأنى حساها أغنية جميلة أوى و رقيقة و فيها عذاب رقيق
نفسي أسمعها متلحنة
أتمنى لك التوفيق
مها حمزة